Tulaai Leitung Thuthang Tuamtuam Updates November 11,2014

·      USA gam sung a om Zomi te theihding in ongtungding November 15 nipan kipan 2015 aiding Medicaid ahihkeileh Obama care zatona kahna card kisiau kik thei ta hi. US gam sung a om mikhat limlim in Insurance zato paina card kumkhat sung ah kha 9 nei hantangding cihpeen US Law thukhun ahihman in akitheisak hihang. Ei le ei a zato kahna card aleizo te peen I company tetawh kisaiding tu a igenpeen income sumluut tawm zatokahnading akimawkpiak pawl igenna ahihi. Pauzomi News pan laak

·      Pakistan gam leitaw lam Khairpur khuapi kiangdiak ah November 11, 2014 ni in Khualzin mi apua Bus pi khat leh Vanpua mawtawpi khat nasiatak in kiphukha a , mi 50 si in  15 naakliam mahmah ci in Pakistan palik ten gen uhhi. Bus in khualzin mi 65 apuak hi a sikhin dektak uh ahihi. Thuthaklaaksawnna-bbc.com

·      Abeisa April khasung South Korea gam a Tembaw kibung Tembaw hawlpan khualzinmi te sihsakna tawh South Korea thukhen zum ten November 11, 2014 ni in amawhna mu uha kum 36 sung thongkia ding thukhenta uhhi. HIh Tembaw kibung tung mi 476 atuang hi a 300 vaal simang uhhi. THuthak laaksawnna bbc.com/asia

·      Iraq gam sung a IS migilo te abengding ding leh Iraq gaalkaap te amakaih ding in Gaalhaang leh Asiam mahmah gaalkaap 200 Iraq gam puakding ci in Prime Minister Abbott in November 11, 2014 ni in taangkokhia hi. Hih peen Asian Sumzonna lam khawmpi Beijing,Sengam pan President Obama leh Prime Minister Abbott te dingkhawm hilhial a thukante tung ah agenkhiat uh ahihi. Tuni mah in US ten leilam gaalkaap muanhuai 50 leh Iraq gaalkaap te kigawmkhawm sak om Anbar state sung a kipei ziahziah uhhi. ABCNEWS.COM

·      Ngalngam leh Haangsaai bang a ki kihta simpian tuak ahi US gamte I President Obama leh Russia gam te I President Vladimir Putin te November 11, 2014 Beijing  APEC khawmpi amankhit ciang anawlkhat khat ah kihosim khiankhian uha, bangteng kihuau siausiau cih kitheilo hi. Tuabek hilo lungkim thei mahmahlo uha, nikhat sung bekbek in 3 vei vilvel kihuau uhhi ci in US kumpi thunei te in genkhia uhhi. Thuthak laaksawnna-voanews.com

·      Australia Prime Minister Tony Abbott in agenbang teek in November 11, 2014 ni Sengam Beijing khuapi a kibawl APEC  khawmpi amankhitphet Russia President Vladimir Putin nehpheipah tinten a, Ukraine leh Russia gamgi a Malaysia vanleeng kikapkhia MH17 tung a si kagammi te vaai nawhsatak in ongtelkan sak mengmeng in cigiap hi. Thuthak laaksawnna-voanews.com

Lungdam

Khialhna aom khaak aleh ngaihdam bawm ah maw

Thang Khawm Pauzomi