Tulaai leitung Thuthang Tuamtuam Updates September 17,2014

·      Nigeria gam ah Pasian thuhilh kamsang aminthang peenpeen ahi Sia Joshua ibiak in Logos khuapi ah Nung Friday September 12 ni  in Pasian bia akikhawm mipi upmawh 500 kiimding adianziahizah laaitak in thakhat in kicim a kumpi thunei te in mi 130 honkhia zopan in September 17 ni in misi 67 lakhiazopan uhhi.  Pastor Joshua genna ah akicipma nai lang pawl in vanleengneu khat in 4 vei kiimkot ci in gen hi. Banghang a kicim cihthu thunei ten akan saanlaaitak hia ahang genkhia nailo uhhi.

·      US President Obama in IS migilo te nuaidan ding geelnathak September 17, 2014 ni in Tampa, Florida phualpi pan genkhiading in zantun sukta hi. Nungkaal in IS te vanlam bektawh nuaiding a leilam tawh doloding cin gen himah leh adoding adanggam akithawi aompak kei leh Leilam pan adoding gaalkaap zong kipaisak ding ci in General Martin Dempsey in September 16 ni in genkhia hi. tuniciangciang US ten vanlamtawh IS omna munte 162 vei beeltung khiatkhin ta uhhi.

·      China President Xi Jinping President za tawh akhatveina India gamkhualzin kipanta a, September 17, 2014 Gujarat state  Prime Minister Narendra Modi in ah azitawh vahawh hi. Mr Xi India akhualzinna bulpi ahihleh gamnih sumzon sumzuak vaaileh gamgi dung buaina siangsakding ci in China kumpi thuneite in genkhia uhhi.

·      Sweden Kumpi King Carl XVI Gustaf Stockholm khuapi vanleeng tualpaiding mawtaw tung atuanlaaitak September 17, 2014 ni zingtung in amawtaw kibung a, amawtaw siacip in amah bangmah cilo deuhse hi. Adang mawtaw khat vaaikhaak kik in akhualzinna zomto suak hi.

·      Russia gammi mihau Billionaire Vladimir Yevtushenko  kum 65  sumngahna manlo cih mawhmatnatawh Russia kumpi te in September 17, 2014 ni in a inn pan puapial khialoding in cingcip uhhi. Azenzen in mawhna akimuh leh kum 10 thongkia ding ci uhhi. Hih mihau pa in sumtang  $4.4billion nei ci in kigen hi.

·      Syria gam kumpi langpang te phualsaatna Homs Province Talbiseh khuapi Syria gaalkaap te in September 17, 2014 ni in Beeltung nasiatak in khiat uha, mi atawmpeen 50 si in naupang 6 zong zan hi ci in Syria sungthu kan Syrian Observatory for Human Rights te in taangkokhia uhhi.

·      Liberia gam ah mitampi tak asisak Ebola natna lungno adoding in US gaalkaap 3,000 paisakding ci in President Obama in September 16 ni in taangkokhia hi. Zato inn lupna 100 anei  17 lamding uha, kaalkhat in cina donding mi 500 ta pilna sinsak ding ci in genbeh hi. US gaalkaap te thau tawh mi adothei bek isak leh pilna tawh natna zong adothei na hi gige mawk ei lamdang

Lungdam

Zom toto ni

Khialna aom leh ngaihdam bawm ah maw

Thang Khawm Pauzomi