Tulaai Leitung Thuthang Tuamtuam Updates August 9,2014

·      Islamic state (IS) kici Iraq gam khunglamteng ah kilawmlo zahdong a Christian te leh adang biakna tawmte abawlsia Jihadist migilo omna teng ah US te in 8/8/14 ni in Gaalvanleeng tawh Beltung siantho tak in khiatkawikawi uha, hih migilote lau a abu mipi te neekding neek le dawn zong khiat kawikawi uhhi ci in Pentagon ten taangkokhia uhhi.  UK ten zong mipi kisap neek le dawn khiatding in kaleeng diadia ta uh ci in August 8 ni in taangkokhia uhhi.

·      Israel leh Hamas te ni 3 sung kilemna  amankhit uhciang Hamas te ngetlah Israel piazolo Israel te ngetlah Hamas ten mangzolo ahihman in langnih tuak kikaapna athak Part 2, August 8 ni in kipan kik uhhi. Israel gamsung Rocket tang 15 tu a Israel mi 2 liam in Israel ten Gaza anuaitohna pan Palestine mi 5 anikhat ni in sipah phot uhhi. UN leh US ten kipatkik pen hoihkei cituak uhhi. Amasa kaal 4 kidona ah Palestine 1,900 si in Israel te 67 si uhhi. Part 2 ah bangzah tuak ongcingto tammaw ngaklaai ni ei

·      Afghanistan gam June kha kiteelna ah President ding a teelcingtuak Mr Ghani leh Dr Abdullah te Mr Ghani in zo himah leh Dr Abdullah in meetang simdan mankei ci ahihman buai uha, US Secretary of State John Kerry in lemtuah a aleptuah anihveina ahi August 8 ni in anih un kipawlkhawm in Afghanistan ading naseemkhawmding in thukimna ngah uhhi. Ahizong in party tuamtuak uh ahihman koici bang in naseemkhawmding cih kigencianna neinaai lo uhhi.

·      South Sudan gam ah gaal hang in cimawh gaaitaai mi 40,000 te omna Refugee camp ah August 8 ni in nasiatak in tuikhang ahihman in hamsatna lianpi tuak uhhi ci in (MSF)  Medecins Sans Frontieres te in taangkokhia uhhi.

Lungdam

Thang Khawm Pauzomi