Tulaai Leitung Thuthang Tuamtuam Updates July 14, 2014

·      Kawlgam kumpi kilemna bawlpawl leh Mualtungmi thautawi kilemna vaaihawmpawl ahi NCCT te July 13 ni in Thailand gam Chiangmai khua ah kimukhawm uha, Mualtungmi teng in July 24 ciang Laiza khuapi ah khawmpi khat bawlmasa ding tuakhit ciang kimuhkikding in kithu kim uhhi.

·      World Cup 2014 ah Semi Final pan Brazil ten Germany te maaizum huaitak mai in cikmah hun a omngeilo guallelhna ngah ahihman Asiapipa uh ahi Coach Luiz Felipe Scolari maaizum lua mahmah in naseppan kakhawl hi ci in July 14, 2014 ni in taangkokhia hi.

·      Argentina gamte in WC2014 ah akhatna angahloh uhciang mipi lungkimlo in July 14, 2014 ni in Buenos Aires khuapi sung ah kikaaikhawm in gamlumna bawl uha, palik te tawh nai 3 sung nasiatak in abuaikhit uhciang  palikten mi 50 vaal man in mipi khenkham zopan uhhi.

·      Ukraine gaalkaap te kisap bangbang apuak Vanleengpi khat Ukraine gam nisuahna lam ah July 14, 2014 ni in kikaapkhiat sak hi. Hih venleeng peen Pi 21,325 sang a leeng ahihman in agamlakaap na thaupi tawh kikaap  hi in Russia gampan kikaap hiding in ummawh uhhi. Ahizong in athu ala akancian laaitak uh hi a, NATO in zong Russia te Ukraine gamgi dung ah kithawiki ci in gen uhhi. Russia te bel Mr Putin tukpeeng sui etna tawh gim kisa lai hiam daaidide phot uhhi.

·      Israel te leh Palestine gam a busa Hamas te kido ni 7 ongcingta a kidona kizom to paisuak laai hi.  Tuciangciang Israel gam atu thaupitang 1,000 phata a , Gaza khua sung ah misi 175 cingta in Israel gaalkaap ten Vanlamtawh asun azan cilo in migilo omnading a aupmawhna teng uh banzial ziahziah uhhi. July 13 pan kipan in Gaza khuapi sung a kiphual Hamas migilo teng leilamtawh sahawl ongkipan uha, July 14, 2014 ni in Hamas makaai Mohammed Abu Khdair in Jew khangno thumte kothah mah hi ci in amawhna uh pulaak khiata hi.

Lungdam

Thang Khawm Pauzomi