Tulaai Leitung Thuthang Tuamtuam Updates July 31, 2014

·      Israel mi taangvaalno thum June 12 ni a amang June 30 ni in Hebron khuakiang ah asisa in kimu hi. Hih thu hang in athat hiding a upmawh Hamas migilopawlte omna phualpi teng ahi Gaza gunpang teng Israel gaalkaap te in  kuamah maizah neihet lo in guahpizu bang in vanlampan July 1, 2014 nithapaai khiat acihmah in khiat uhhi. Tangaalno thumte July 1, 2014 ni in kivui a mipi atulsawmlo a om zui in Israel PM Bejamin Netanyahu in Hamas ten Israel mihum go uh ahihman aman apiading uhhi ci in sihgaalna ah genkhia hi. July 1, 2014 nitaaklam in Israel Security Force PM Cabinet te thukin meeting neikhawm ding uha, kicih leeng hih Israel tangvaalno thum ago te maaimangsakding cihthu kikum ding uhhi.

·      1997 kumpan China gam tung ah aki-ap kik Hong Kong gam mipite in Democracy mantaktak deihna lahna in July 1, 2014 ni in leitungpianzawh mitampeen anasia peen lungphona nasiatak in nei uha, mipi 10,000 pan 100,000 dongphading in lam en uhhi.

·      Nigeria gam Maiduguri khuapi sung Vanzuakna munphualpi sungkhat ah apawl kitheinaailo migilo te in July 1, 2014 ni in Bomb puakkham sak uha, mi 18 si in mi tampi tak liam uhhi. Kumpi thunei te inbel Boki Haram migilo pawl mah hikha ding in lam en uhhi.

·      Jihadish migilo pawl ahi  ISIS thautawi migilo te I makaaipipa Abu Bakr al-Baghdadi in leitung bup a  om Muslim kheempeuh Iraq gam leh Syria gam ah pai a Muslim te huh Muslim gamkip phutkhia ding in July 1, 2014 ni in sapna kikona khat neikhia hi.

·      Iraq gam sung a om US Embassy daalding leh US gammi te huding in President Obama in US gaalkaap 200 puakbehding in July 1, 2014 ni in thupia hi. Tuaban ah hihgaalkaap te zatding in gaalvanleeng tuamtuam te leh ahawlpalo Drone vanleeng tezong kihel ding ci in Obama in genkhia hi. Nungkha in US Palaaiphual pi daalding gaalkaap 275 puakkhin a tu a puakkik ding 200 tawh 475 cingta ahihi.

·      Ukraine kumpi langpang in Russia adeih thautawi pawl leh Ukraine kumpi kilemtheih nading in kihuhun ni 10 Ukraine kumpi te in ahonzawh ni 10 July 1, 2014 ni in cingta a bangmah kilamdanna omlo Russia deih thautawi ten do veve ahihman in anikhanbeh nawnlo ding in President Petro Poroshenko in July 1, 2014 ni in taangkokhia a, Tuni a kipan in nasiatak in Russia deih thautawi te doding in thupia hi.

·      Kawlgam sung a kizang 2008 Kawlgam thukhunpi puahnading akhaktancip thukhun nambat 436 puahphat nading mipi thukimna Suaikaihna Awn 3 vaal Awn 5 kiim khakhat sung kingah khinta hi ci in NLD zumpi te in June 30 ni in taangkokhia uhhi. July kha sung in zong Daw Suu makai in muntuamtuam ah taangko laaiding ci in genbeh uhhi.

·      Piantit gamte neihsa ahi BNP Bank te in US gamten khalna apiak gamte ahi Kawlgam, Cuba,Iran, Sudan gamte tawh sumlam kizopna neisim ahihman in US ten thubawl uha, BNP te mawh kisa uh ahihman US kumpi tung Dollar Awn 8,900 piading in June 30 ni in thukimna nei uhhi.

Lungdam zel ei

Thang Khawm Pauzomi