Tulaai Leitung Thuthang Tuamtuam Updates July 30, 2015

Ø Kawlgam khauhun sia khawlnaai tuanlo a munkhat khat te ah Huihpi nung in munkhat khat te ah guahtamlua ahihman in mencim, tuikhang cihbang in omlaai hi. Zomi te tampi iteenna  kawlpi khua ah nisim naisim phial in guahzu tatsatlo ahihman in tuikhang seemseem a Kawlpi Zato inn ciang atumto ciaiciai ta hi. Cihmawhna atuakpha deuh kawlteng St Mary sangpi ah keem in Biakna lampan ahizong kipawlna tuamtuam pan ahizong neek le dawn kipuak ngeingai hi. Tua kawmkaal ah Kawlpi khua zaang Kawl Ngapik ten thah nading a ageelhiam cihnop huai Bungrung- Yaja Chu khua a kibawl Tuibeempi khaang ahihman in thunei ten nai 2 halta in akiukhat pan tuikhahkhia ek uha, tua in Kawlpi khuasung tui tamsak tuam mahmah hi.Azenzen khah kei in kitam leh lak akiim a teengteng tui in avuk hikawikawi zel ci  hi. Kawlpi Thuthang

Ø Kawlgam kiteelding  naaita ahihman  Mee tang kisam man maw, ahihkei leh kei kahoih hi ongteelkik un acinuam maw kithei samlo khat in President Thein Sein in Kawlgam sung thong tuamtuam pan thongkia 6,966 te July 30, 2015 ni in khahkhia hiau mawk hi. Hih 6,966 sungpan gamdang mi 210 kihel a mi 8 Khin Nyunt mite kihel hi. BBC

Ø March 2014  kum a mimal 239 tawh ahingman hiau Malaysia vanleeng MH370  Boeing 777 I athem hiding a upmawh meter 2 asau Vankhat peen India tuipi sungpan July 29 ni a Piantit palaai te muhkhiat peen Vanleeng 777 I athem ahihlam tel mahmah uha, ahizong in Malaysia Vanleeng hi maw hilo cih teltak kantel laaiding in July 30, 2015 ni in Piantit gam puakphot uhhi.BBC

Ø July 27,2015 ni a laaihilh na pan tuuk a asi a 11 na India President  leh  India gam taangthu sung ah “ Missile man”  Thaupi Pu cih ciaptehna angah 2002-2007 sung India President  aseem Mr  APJ Abdul Kalam ateenna khua Rameshwaram  khua ah July 30, 2015 ni in kivuibawl a, mipi tulsawmlom in azuih ban ah India Prime Minister Narendra Modi zong sigal in vading lenlan hi.BBC

Ø Vietnam, Japan, Philippine, Taiwan leh  China te kituh kinkenna South China Sea tung ah July 28,2015 nipan kipan July 31 nidong Sen te in Gaaldo kisinna nasiatak nei uha,  Tembawpi 100 vaal, Gaalvenleeng 50 leh Nuclear thautang pawlkhat tawh nasia tak in lum ngengngen bek uhhi. Gaalkaap peen tamsimsim ki ummawh a amalzah kithei lo hi.VOA

Lungdam zel ei

Thang Khawm Pauzomi

Tulaai Leitung Thuthang Tuamtuam Updates July 25, 2015

Tulaai Leitung Thuthang Tuamtuam Updates July 25, 2015

Ø Pakistan gam saklam ah July 25, 2015 ni guahtam luatna hang in tui khang kawikawi a mi 42 sikhin ta  in Inn le lo tampi asiat ban ah Inn le lo nusia in mitampi tak in bukna muanhuai zong taaikeek ngeingai uhhi.VOA

Ø 2015 November 8 niciang kibawlding Kawlgambup kiteelpi na ah SNLD Makaai U Khun Tun Oo leh Azalian adand mi 4 te in Mee Kuangluilo ding ci in July 25, 2015 ni in taangkokhia uhhi. Ahzong in MP Candidate mi 150 tawh amunmun ah nasiatak in kuang lui veve ding ci uhhi.  Parliament sung mah bang in apualam ah zong nasepding thupizaw om cilel uhhi.VOA

Ø Britain Prime Minister David Cameron  Asia gamlam Sum le paai vaai tawh kisai in khualzin July 25, 2015 ni in ongkipan ta a, ni 4 sung Asia gamsung ah taamding hi. Ni 4 Ataam sung in Indonesia President Joko Widodo leh Malaysia Prime Minister Najib Razak tawh holimna neikhawmding a  IS misok te vaai kikum ding uhhi. Indonesia gammi 500 leh Malaysia gammi 200 IS misok gaalkaap asep laaitak ahihi. BBC

Ø Kenya gam sung ah July 25, 2015 ni a kibawl Global Entrepreneurship Summit ah US President zong vakihel theia, Kenya gam ading in Puzukholh kawm ahihman in apu te $1billion letsong vapuak hi. Apu te atupa uh bangteng ongpuasakdiam cih mipi in kilungluut mahmah hi. CNN

Ø  IS misok te Turkey gam ommuang kimlaai va nawngkaai sak uh ahihman in Turkey ten Syria gamsung a IS phualpi zawdeuh teng July 24,25 sung Vanlam tawh Bomb bankhiat uhhi. Tuaban ah IS tawh kizongding a upmawh mi 500 mang uhhi. US tetawh kipawl taktak in IS te zialding in July 25, 2015 ni in taangkokhia uhhi.BBC

Lungdam

Thang Khawm Pauzomi

Tulaai Leitung Thuthang Tuamtuam Updates July 23, 2015

Tulaai Leitung Thuthang Tuamtuam Updates July 23, 2015

·      Turkey gam leh Syria gamgi Suruc’s khuapi a om Ngeina tuamtuam kilahna Innpi khat ah Turkey University sangnaupang te thuguizuih in avaak hialhial laaitak uh July 20 ni zanlam in IS misok te sawltaak khat in bomb nasiah a mi 32 si in 100 liam uh ahihman in zato ah kipuak pah hi. Hih misi teng July 21 ni in vuibawl na nei uha, gambup in dahpihna lah na in daaitak in om uhhi.BBC

·      Leitung ah Electronics vamlam abawl company minthang mahmah Toshiba campany te President asem ahi Mr  Hisao Tanaka kum 64 Sumvaai kigensipsipna hang in kanasepna kakhawl san hi ci in July 21,2015 ni in taangkokhia hi.CNN

·      India gam Punjab state Barnala pan Himachal Pradesh state Manikaran khualam ah Biana vaai akhualzin Singh thuzui mi 50  vaal apua Bus pikhat July 23, 2015 ni in Gunsung ah kituiphum kha ahihman in mi 18 ahing in kihon khiazo a adangeng si uhhi.VOA

·      Tukum January kha sung Kachin gam asung Sengam mi singgu kawl gaalkaap te mat honkhat lak pan 153 te Kachin gam thukhen zum te in sihdong kahna leh hagawina gawtmun ah tawlnga ding in July 23, 2015 ni in thukhensat ta uhhi.Sente bel nuamhethet lo in phunphun ta uh ahihman Sen le Kawl kikaal kihozia neeldakdak nawn meello hi.VOA

·      US President 2016 kumciang ademdinga akithawithawi ta ahi Mihau Donald Trump Taxes state Mexico gamtawh gamgidung teng ah July 23, 2015 ni in ama vanleeng pi tawh vazin kawikawi hi. President kangah zenzen leh US-Mexico gamgi dung leisektang tawh kiptak in  ka umbitcip ding ci in ge ahihman in mipi hausim tham dep hi.CNN

·      US President Obama apa pianna gam Kenya gam ah Sixth Global Entrepreneurship Summit kahkhawm ding leh ngaih  hawhkawm ding in July 24,2015 ni in vapai ding ci hi. Pawlkhat  ten paakta mahmah in adawn mahbang in pawlkhat zong Obama Pasal guanding ci a abuai mahmah zong pawlkhat na om uhhi.CNN

·      Ngapik Gaalkaap te tusung teng a Ngahpik uh AL lua ahihman in ommawl theilo uha, Karen ten phin kap uha, lel, Kachin te kap lel, Kokang te te phin kap lel, Chin te phinding kapding acih uhleh Gaalkaap na omlo, Tu in Shan Galkaap Saklam te Ngapik gaalkaap athuanthuang tawh do uha, Shan Makaai te ongkap nawkei uh ci in thum ngaungau ta le uh President Thein Sein kiang nagen sak nung cihsan in kaapteitei vial uh ahihman Shan ten zong zial nakipan uha, Ngapik a bawltheih ding Kawl gaalkaap tamkhop tukkhin ta uhhi.VOA

·      2015 November ni 8 ni kibawlding Kawlgambup kiteelna ah Kuanglui ding Makaai te min August ni 8 ma Kawlgambup kiteelna makaaite tung ah apding cih tawh kisai in NLD in tawm ongkhin sak ve vua ci a angetna uh Kawlgam kiteelna makaaipawl nialsan uhhi.Asawtlo in Zogam sung a ZCD tawh ademding Makaai ding te leh ataangthu tomkimcing uh ongkhahkhia ding hing.VOA

Lungdam mahmah

Thang Khawm Pauzomi

Khialhna aom leh ngaihdam bawm ah maw

Tulaai Leitung Thuthang Tuamtuam Updates July 17, 2015

ZCD MP Cand Pu Khup San Thang

Hih Pu Khup San Thang peen Zampi khuami hi in Khamtung gam ai-awh in Mikaang te anado ngeekngeek Pu Kai Tual tupa hi in Apa peen ZCD –EC ongnusia khin Pu Nangno ahihi. Akhanggui un Zogam ading in ma apang ciatciat te zong ahi uhhi. Apa Pu Nangno peen Thualzen gaal laai Hakha Palik zumpi asimna pan un akhe thau in kha liam hi. Pu Kai Tual peen Zogam Zomi aitna han gin Hakha khuapi ah kum 7 hiam thongkia hi. Apian pih laaizom Pu Anthony Kap Khan Khual peen Kawlpi pan minam minister ding a ZCD Cand khat zong ahihi. Adang ZCD Cand te thuzong izomtoto ding hi. Adangte thupi kei cihna hilo in Namdanglak ah Mee kuang avalui geuding hi in hangsan zong kasa a, pahtaak huai zong kasa phadiak hi.

Zomi te peen  nidang in Chin state bup ah Makaai te ciangbek hilo in Kawllak Manglak dong ah adawkte ihi ngei a Namdanglak ah kuankhiatna tawh ma ipangngei hi. Ahizong in  Tulaai tak idinmun ahihleh  Midangte lak ah kuanzo nawkzo nawnlo in Midangte ei huangsung ah anangliamliam dinmun ihihi.

Biakna lam ah Sia Hau Go te, Dr Hau Lian Kham te hunlaai in eisung ciang hilo in midang te avalok avamakaih te ihi ngei a, Tua bang mah in gamthu ah Pu Khen Za Mong te, Dr Vum Son te Dr Vum Kho Haut e hunlaai in mite ivanawkzo a izang mahmah hi. Tuhunciang Biakna lam gamthu lam ah ki en kik leeng Ei huangsung ah mite ongluutzawta a Zomi te ei le ei, kinawknawk khop lel in kuamah inawk zonawnkei hi. Ahizong in Topan Zomi te sung ah Pasian in Taangthu thak onggel ta a, gamthu Biakna thu ah ikipan kik ta hi ci in ngaihsun kahihman in tha kangah mahmah hi. Zomi te leenglado leh eisung ciang kitawngtawng ding hinawnlo in gamkuan khiata in akuamapeuh in Topa tung thuumna neilaai ding hihang.

·      South Africa gam Johannesburg khuapi kiang ah July 17, 2015 ni in Meileengpi nih kiphuulkha a, mi 300 liam in aliamte 300 te lak ah alangbang gimsia mahmah ahihman in nungsih maithei ci in kumpi lamten gen uhhi. Meileeng akiphul khakna ahang kuaman thei naailo ci uhhi. BBC

·      Japan gam Shikoku tuikulh July 16,2015 zanlam in Typhoon Nangka kici huihpi leh guahpi kithuah in nasiatak in nawka, mi 2 si in 31 liam uhhi. Tuaban ah kumpi thunei te in menkicim theiding ahihman in mipi 350,000 mundang ah kihemkhia ding in thupia uhhi.BBC

·      Iraq gam Baghdad khuapi pan tai 20 na aom Khan Banni Saad vanzuakna phualpi July 17, 2015 ni in IS misok te in Bomb tawh deng uha, mi 86 si in numei naupang kigawm mi 116 liam uhhi. VOA

·      Nigeria gam Gombe khuapi leh akim teng ah July 16.17,2015 ninih sungbekbek in Boko Haram migilo te in bomb tawh amau le amau kipuakkham sak in mi 63 that uhhi. Tusung peen Muslim te Anntan pawi mankuan ahihman in Muslim gamte ah migilo te laang mahmah uhhi.VOA

Lungdam

Thang Khawm Pauzomi