Tulaai Leitung Thuthang Tuamtuam Updates Jan 20 ,2015

·      Japan Prime Minister Shinzo Abe Egypt gam Cairo khuapi azinzawh asawtlo January 20, 2015 ni in IS migilo te in Japan gammi nih amatte uh Japan kumpi ten $200 million nai 72 sung in apiak kei leh thatding ci in Online Video tungtawn in taangkokhia uhhi. PM Abe in kamite nuntaakna kathupi ngaihsut peen kakumpi naseppih te leh Leitungbup tawh naseemkhawm in asuahtaaknading uh vaaihawm ding kahihman nawh sa tak in khahkiklel un ci n gaal hawksan hi.VOA

·      US ten al-Qaeda migilo te dona ding a aphuasaatna mun uh ahi Yemen gam abeisa khakhat laaipan kilok litlit a, Yemen gam sungpan taikhia in amau le amau aki uknuam Houthi kumpi langpangte in January 20, 2015 ni in President Abdrabbuh Masour Hadi  in khamtung sahawl bang in umcih litlit uhhi. President pabel bangmah ciliannaai samlo in Zulei laulua suangkua sung a kithep bang in a inn atawng peenpeen ah kihenhne mai ci uhhi.BBC

·      Nungkum 2014, December 28 ni a Indonesia leh Singapore kikaal Java tuipi tung a akia Air Asia QZ8501 tawh kisai mingongtatna te nasepna hilo a , Khuahun sia peel ding a akahtoh ciang minute khat Pi 6,000 haat in kahto mawk ahihman in vanleeng in thuakzolo in akia hi ci in Vanleeng omzia anakeemsimkiau Black Box tungtawn in Indonesia kumpi thuneite in January 20, 2015 ni in kipsakna nei uhhi. Khual zin vanleeng te peen hihbang in akahtoh ciang pi 1,000-2,000 ciang haatthei a kahthei ding bek a kibawl hia, Tutung a Air Asia peen Gaalvanleeng nangawn saang ki haatsak mawk ci in genbeh uhhi.BBC

·      Syria gam nisuahna lam Hassakeh province sung Qamishli  a phualsaat IS migilo te lak kuapawl kitheilo gaalkaap te in vanleengtawh January 20, 2015 ni in bomb khiat uha, IS migilo 77 si in tampitak liam uh ci hi. Hih adopawl peen pawlkhat ten Syria gaalvanleeng ci uh, akhuasung mi pawlkhat te leuleu in US leh apawlte gaalvanleeng te ci kik kawikawi uh ahihman kualian kitel paknailo  hi.BBC

Lungdam

Thang Khawm Pauzomi