· India gam Utter Pradesh state Kharta khua ah Zu sia dawnkhak nahang in mi 29
sikhin a, mi 123 sidekdek in zato ah kibawllaaitak ci in Palikte in January
13,2014 ni in taangkokhia uhhi. Zu sia hang mah in hihkiimteng mah ah mi 30
singei a, adang West Bengal state ah 2011 kum in 170 si in, 2009 kum mah Gujarat state ah 107 si ngei hi. Zu sia
cihciang in mite khambaih theiding a atawmmanno tak a kibawl zu te hiphadeuh ci
in gen uhhi.BBC
· December 28,2014
ni a Java tuipi sung a akia Air Asia QZ8501 I taangthu ciaptehna black box tuisungpan pi 98 athuukna pan kitawmkhia
khinta a tu in Vanleeng banghang in kia hiam cih Black Box tungtawn in
kikaansaan laaitak ci in Vanleeng zong makaai Indonesia thuneite in January 13,
2015 ni in taangkokhia uhhi. Tuniciang misi luang 162 lakpan misiluang 48 kitawm zopan cin genbeh uhhi.BBC
· Asia gamsung ah ni 6 sung khualzinding in Leitungbup
RC makaaipi Pope Francis Sri Lanka gam
Colombo khuapi January 13, 2015 in tuta hi. Sri Lanka gam ah Christian mi tawm
mahmah himah leh mipi atullom a sim leh kumpi thuneilamte in nasiatak in vaai
nadawn uha, Sri Langka Zo Ngeina tuamtuam tetawh namuak ziahziah uhhi. Sri
Lanka gam ah Christian 7% hi a RC tampeen in, Buddish 70%,Hindu 13% leh Muslim
10% ahihi. Tuma kum 20 laai in Pope John Paul II apailaai Buddish te nanuaksan himah leh
Tutung Pope Francis peen namuak mahmah uh ban ah Buddish makaai lamte tawh
thunge khopna neiding cilia uhhi. Sri Lanka khitciang Philippine gam paiding ci
uhhi. Philippine gam atunciang mi amuak
tamlua mahmah ding a lauhuai ding ahihman thautang butzawhloh mawtaw atung
kihong tawh paisak kiaukiau in mipi khutvankawikawi ding ci in Philippine kumpi
lam thuneiten gen uhhi. Tuaban ah acingngiat ding in Leitungbup thukan Interpol
te leh Philippine palik gaalkaap 40,000 in cingding ci in President Benigno
Aquino in genkhia hi. BBC
· Piantit te hansan daan
Nung Muslim migilo ten Charlie Hebdo thuthang zum busim in tua huhau in
mi 17 asihkhitciang tukaal sung a ahawmding uh thuthang te I cover-maaitang ah
Muslim te Pasian Mohammed lim tuangsak in “ I am Charlie” cisakding ci in
January 12 ni in taangkokhia geu uhhi. Hih thu hang in EU gamte leh leitung
gamtuamtuam te cimul tho a, Sunday Jan 10 ni in kithutuahna lahna in lamdung
lamvaai ah leitung makaaituamtuam leh mipi One Million kilen lampai ziahziah himah leh Obama a kipan
US kumpi thunei azalian te paingam lo uhhi. Tua ahihman in US gampeen Muslim
ten ongliaktum ta maw, 666 in ong ukcipna ta maw cihnop huai ta hi. VOA
· US gaalkaap te khutnuai a om ahi Leitungbup tawh kisai
gaalvaai ah avaaihawmpi US Central Comments te Twitter account IS migilo ten a
hack-buluh sak deep uhhi. HI thu hang in Iraq leh Syria gamsung ah January 13,
2015 ni in US leh apawlten 27 vei Beelmaai khiat uha, IS te munhoih tampi leh
inn le lo zumte suksiatsak uhhi. Akizom mah in Piantit thukhunpi endikpawl-
Lawmaker ten Piantit gamten IS ten vanlamtawh dona ah naakpitak khanto ding in
January 13, 2015 ni in thukimna ngahta uhhi.VOA
· US President kidemna ah 2008 leh 2012 kum te ah kihel
in 2012 kum President Obama alel Republican Party pan President suakdektak
Mittt Romney in 2016 kumciang US President demsawmkik ahihman in kigingkhol
ziahziah ta ci in US thuthang te ah January 13, 2015 ni in kitaangko hi.
Republican sungpan Jeb Bush tawh ongkisu ding uha, Ms Clinton tawh Final ongkah
ding uhhi.CNN
· US Secretary Of
State Mr John Kerry January 13, 2015 ni
in Pakistan Islamabad khuapi vatung zual a,
Pakistan gaakaap lam zalian te, kumpi lam thunei te tawh gamnih sumzon
sumvaihna, Migilo te dokhopna cihte nasiatak in kikum uhhi.VOA
Lungdam zel
Thang Khawm Pauzomi
No comments:
Post a Comment