· Tunung ni 50 sung Israel ten Gaza khuapi asimna uh ah
akilawm akituak zahsang uangtatzaw uha mawhnalianpi Israel ten nei uhhi ci in Amnesty
International te in December 9,2014 ni in leitung leinuai zaakding in
taangkokhia uhhi. Israel lampan bangmah uk ee ak ee cihlo vetse uhhi. bbc.com
· Philippine gam huihpi leh guahpi in nawk in mi 27 bang
asihkhit ciang huih le guah bek hilo migilo tenzong December 8,2014 ni in
Philippine gamtaw lam Maramag khua ah bomb napuak khamsak uha, Bus pi khat
sukha ahihman sangnaupang 9 sipah in 20 liam ci in palik ten gen
uhhi.voanews.com
· Taangko kholhna bangmah omlo in US Defense Secretary
Chuck Hagel Iraq gam Baghdad khuapi December 9,2014 ni in tungkhian a , Prime
minister Haider al-Abadi tawh kimukhawm in IS migilo te nuai vuinading in
gaalkaap thaa gaalvan tamtheithei behlapding kikum ngekngek uhhi.bbc.com
· New York khuapi leh Ferguson khuapi te ah asawtlo
nungdeuh mahmah in mivomte mikaang palikten akap lupna hang in lungkimlohna
zanthapaai alak mivom 150 te California state ah palikten December 9,2014 ni in man uhhi. US gamsung
alawh pianpian ta uh ahihman dipkuat mawhlo thukhat ahihi.
Tuni thuthang tawm ei
Thang Khawm Pauzomi
No comments:
Post a Comment