· Indonesia gam Java tuikulh tung Jemblung khua ah guah
tamluatna hang in December 13, 2014 ni in nasia tak in men kicim zihziah a
mi 17 si in 40 zato ah kipuak a mihing 91 men in vuknelh in mangthang hi.
bbc.com
· US Senate te in gamdal nading azatding leh IS migilo te
donading akisam sumzeek ding ciangtankhiatna December 13, 2014 ni in thukimtak in neita uhhi. Innpi Palaai
ten zong thukimna ngahkhin uh ahihman in President Obama in thukimpihna bek
kisam laai hi. HIh sumzat ciangtanna sung ah US gam huut nading in $585 billion
zangding cih hi a tua lakpan IS migilo
te do nading $3.4billion kizeekding a,
$1.6billion tawh Kurdish gaalkaap te kum 2 sung pantahding ci uhhi. bbc.com
· Iraq gam Baghdad khuapi pan tai 60 kigamlaatna Samarra
khuapi kiang ah December 13, 2014 ni in IS migilo ten thau gol zang in Iraq
gaalkaap te Helicopter EC635 van leh mi nawnna khat kapkhiat sak in atung a
tuang Iraq gaalkaap nih zong si uhhi. October kha sung in ong 2 kapkhiat sak khin uha tutung a peen athumna
ahihi. Abcnews.go.com
· Kawl gam Shan state saklam Kuatkhai Town Namsalat khua
kiang ah December 13, 2014 ni in Kawlgam gaalkaap te leh Mualtungmi thautawi
lakpan TNLA,KIA, MNDAA thum kipawlkhawm in thau tawh nasia tak in nai 1 leh
minutes 15 sung bukteh kikhiat uhhi. December 11 ni in zong Sai Khong khua
kiang ah nasiatak in kikap khin uhhi.RFA
· Afghanistan gam Helmand province sung ah leisung a
kiphum mine te azong gaalkaap te Taliban migilo te December 13, 2014 ni in
nasiatak in nado dihdih uh ahihman in mine zong 12 akihel avekpi mi 23 in
anuntakna uh beilawh uhhi. Misi te lak
ah US gaalkaap nih kihel hi. bbc.com
· Iraq gam Karbala khuapi ah Shia Muslim te in 7th
Century laai a Karbala khuapi a kithat
Muslim makaaipi Kamsang Mohammed I tupa Inam Hussain phawkna pawipi
nasia tak in khaam uha, leitung mun tuamtuam pan Shia Muslim teng kikaaikhawm
uh ahihman in mipi 17million bang phading in ki ummawh hi. Sunni Muslim te leh
IS migilo te in buaina bawlkhading cih kilau tek ahihman in Iraq galkapte in
bit tak in umcih uhhi.
· US gam I khuapi Washington DC ah nungdeuh mahmah a
palik kaang te thah mivom nihte tung taang thu kikhenna lungkimlo in mivom atul
asim amun mun pan pai-in deihna lak uhhi. Thu duh ding kisa khatbang in a
poster tawi tung ah Thu man thutak deih in Vantung kap khia lualua hi ciliang
hi. HIh peen mivom te atha dah tinten tawh ongzomzom le uh nawngkai khading in
kei mimal in lam en pong ing. Azak dah huai mahmah laaikhat ah We welcome in
peace, but we come strong ci sese laai uhhi.
December 12,2014
· Sri Langka gam te I gaal vanleeng khat Colombo khuapi
kiang ah khuahun siatna hang in December 12 ni in kia a atung a tuang mi 5
lakpan 4 sipah in khat aliamsa in zato kipuak hi. Atukna mun leilak ah mi na
omlo bilbel ahihman aliam abaai kuamah omlo hi. Voanews.com
· Nigeria gam Jos khuapi sung van kizuak zihziah na mun khat ah Chrismas vanding lei mi
adianziahziah laaitak December 11, 2014 ni kizomtak in Bomb nih puakkham a mi
31 sipah hi. Hih mun ah May kha sung mah in khat vei puakkham ngeikhin a mi 118
si uhhi. Kuakhutma cih kitel liannaailo hinapin Boko Haram migilo tem ah ki
muangmawh tek hi.voanews.com
· Greek gam Athens khuapi sung a om Israel gamte palaai
zumpi December 12 ni in kua mi kuasa cih akitheikhia naailo thautawi pawlkhat in ban kaap uha, taai mang
uhhi. Pasian in atate hum ahihman in aliam abaai kuamah omlo hi. Greek palik te
zong kawlgam te mahbang in nungtun luangluang uha, thautang kiateng atoptop uh leh tang 54 mukhia uhhi. abcnews.go.com
· Italy gam Rom khuapi atung ahi Tibet Lumai Maangpi
Dalai Lama RC Makaaipi Pope Francis tawh kimuhding ngen himah leh Dalai Lama
peen Sen tawh buaina nengneng nei ahihman tuabang mite tawh kakimu thei keiding
cin Pope in anial na thu Vatican pan December
12,2014 ni in taangkokhia uhhi. bbc.com
· UK gamsung Vanlam khualzin vanleengte lampi acing
Computer December 12,2014 ni in pengnawng gawp ahihman in UK gamsung vanlam
khualzin na buaina lianpi piang a., pawlkhat te ziakai pawlkhat te akiphutkhak
ding lau ahihman lengngam lo cihbang in buaina lianpi khat piang hi.bbc.com
Lungdam
Thang Khawm Pauzomi
No comments:
Post a Comment