Wednesday, December 10, 2014

Tulaai Leitung Thuthang Tuamtuam Updates Dec 10, 2014




·      US gam San Francisco khuapi pan Phoenix  khua zuan a aleeng South Way Company te vaanleeng tung ah December 9 ni in nupi gaaikhat nausuak tadihdih a, anau peen pound 14 pha in cidam mahmah sawnsawn hi. Vanleeng atuancil un mi 11 hinapi in atukciang 12 pha hiau mawk hi. Vanleeng tung  ah Siavuan natuang khabilbel ahihman in tauten nahuh thei uhhi. Vanleeng tung a tuang kheempeuh in lamdang sa in lungdampih ciat uh ahihman khut beng ziahziah uhhi. bbc.com

·      Russia President Vladimir Putin India gam New Delhi khuapi ah pawlsim kawm nikhat taam in December 9 ni vatungzal a , India kumpi lamtetawh sumzonkhop nading tawh kisai thukimna pawlkhat vabawl uhhi. bbc.com

·      West Bank dung Turmusaya khuakiang ah Israel tetung lungkimlohna lak mipi te lak a akihel Palestine Minister khat ahi Ziad Abu Ein  December 10, 2014 ni zingtung in Israel gaalkaap ten nasu ngawh kha uh ahihman in liamna tawh zato tung a zato pan leitung paisan ta hi. cnn.com

·      Pakistan gam ah numeino te pilna angah theihnading ahanciam man a thau tawh kap athuak Pakistan gam mi numeino kum 17 Malala Yousafzai leh India gammi kailash Satyarthi  ten angahkhop uh Nobel Peace Prize December 10, 2014 ni in Norway gam Oslo khuapi ah vasangta uhhi.Malala peen leitung Nobel ngahte lak ah anaupang peen hi a Kailash leuleu India gampan Peace tawh Nobel ngah masa peenpeen in kicianteh hi. voanews.com

·      Iraq gam Baghdad khuapi kiang Samarra khua sung Gaalkaap khawl mun khat ah December 10, 2014 ni in  IS migilo ten tanks mawtaw tawh phul in bomb puakkham sak uh ahihman in mi 15 sipah in 22 liam uhhi ci in Iraq gaalkaap thunei te in genkhia uhhi. voanews.com



Lungdam

Thang Khawm Pauzomi

No comments:

Post a Comment