US gam a omte
theiding
Mawtaw nahawl laitak ahangkhat peuhpeuh tawh Palik ten
ongkhawl sak a leh lamnawl lam neh in khawl inla, namawtaw tungpan tuakkhia kei
in ID&Insurance laakkhiatsa in nei inla naman ongkiuh ciang man hongpan in.
Palik pan ongneh ciang nakiim napaam leh an ipsung khawng mawksawk bualbual se
kei in. Natuah khiat leh kol ongbulh pah ding uha, na ip khawng namawk sawk
bualbual leh thaula ongsa in ongkap giap ding uhhi.
Mawtaw Accident na tawh liamna baaina ngah a zato lum
cihbang in na om leh Insurance ongpiak zahzah tawh lungkim pah kei inla
bangteng kangah theihding hamphatna omhiam ci in atelcian te tung ah teltak
dong masa in. Na mawtaw tung a tuang khat peuhpeuh liamna baaina aneih leh
alungkim bang un gamta sak in. Insurance tamkhan ding lauman peuh liau noploh
manpeuh a zato khawng napai pih keikei haihai leh vok sang haizaw nahiding hi.
Mi khat tawh nakiphut lian in naliau zahding Insurance te kigingkhin a, na
insurance akhangzahding khangkhin ta hi. A liau ding lam nangtawh kisai kilkel
lo a khasim piakding bek naseptheih ahihi.
· Israel gaam Jerusalem khuapi I nitumna lam Synagogue a
Pasian bia mipi te lak Palestinian tangvalno nih in November 18, 2014 ni in
phialkap a mi 4 sipah mi 6 naakliam simsim uhhi. Kua khutma lian cih Israel
lampan kacian saan uha, tellian leh
umguigam maai guigam bangsakding ci in Israel Prime Minister Netanyahu
gen hi. US Secretary of State John Kerry inzong adahna thu Netanyahu kiang ah
phone tawh gen hi. Misi te peen 3 USA mi hi in 1 Briton ahi uhi. Mikap nihte
leh palik ten muitumna in nei uha, hingnawnlo uhhi. bbc.com
· September kha pan kipan Hongkong gam ah China te
thupiakna kuul sese lo a makaai teeltheih nading Democracy diktak ngahnading
deihna tawh lungphona aneite Hongkhong thukhen zumte in hahsiangding thupia uh
ahihman in November 18, 2014 ni in palikten nil kipan ziahziah uhhi. Lungphona
anei sangnaupangten palikte aleh vaatloh nading in hoihtak kimuam hi ci in
sangnaupang makaaipi Joshua Wang in gen hi. voanews.com
Behlap toto ni ee
Thang Khawm Pauzomi
No comments:
Post a Comment