Thursday, October 9, 2014

Tulaai Leitung Thuthang Tuamtuam Updates October 9, 2014




·      Ongtungding Saturday October 9, 2014 niciang Bowling Green khua Kentucky state ah Zomi Innkuan Kentucky makaihna tawh Khuado Pawi nasiatak in kibawldinga, Bawng talpi khat go in kizaih ziahziah ding hi.Akiim naai a om ongkihel nuamte itna tawh ong ki welcome mahmah hi. Hih pawli sung ah Sialkhau kisuhna, Khangno lasiam te lasakna,Pahtawina, gualnopna taumtaum kizangding a sunthapaai kizang ding hi.

·      India leh Pakistan te nungkaal ni 5 ni pan kipan Kashmir ah thautang kikheek ngeekngeekna hang in mi 19  Pakistan lam 11  leh India lam 8 sita uha , October 9, 2014 ni in India lam  mi 8 liam uhhi. Pakistan lampan khawlnuamlo a ongdo teitei uhleh kithuakzo ngeingai nawnloding a vuikhu liang in kinuai tading hi ci in India Defense Minister Arun Jaitley  October 9, 2014 ni in vau suk giap hi.

·      Malaysia gam Kualalumpur khuapi Nukit Bintang veeng  Bar maikhat ah October 9, 2014 ni zingsanglam in bomb khat puakkham a mikhat si in  mi 13 liam uhhi. Palik te in delhpah himah leh kuakhutma cih theinaailo uha, migilo gang te hiding in ummawh uhhi. Mawtaw koihna huangsung ah apuaknaailo bomb khatzong muhbeh laai uhhi.


·      Australia gamte in amasapeen Iraq gam a IS migilo te phualpi leh neih le lamp kholna mun Super Hornet Fighter Jet kici Vanlaai a Seidei thei gaalvanleeng namte nihtawh beltung khiat October 9, 2014 ni in kipanta uha, mun tamsimsim asuksia khitciang agiahphual uh cidam in tungkik ci in Defense Department ten taangkokhia uhhi.  Australia te peen US tawh kopding a pai uh hia , gaalkaap 600 leh Vanleengpi 8, Super Hornet Fighter Jet 6 tawh akuankhia uh ahihi.

·      Yemen gamte khuapi Sanaa khua laaizang a om Tahrir Square huangsung ah president Hadi aza pan atuahkhiatna ding lungphona nei in apai liailiai laaitak uh bomb adim a pua mikhat akaal vuah luut vat a, thakhat thu in puakkhak ahihman in mi 47 si in tampi tak liam uhhi. Tuakhit asawtlo khat in Hadramawt  a om gaalkaap te Checkpoint khat ah bomb puakkham leuleu in gaalkaap 20 si a nikhat thu in mi 62 si in tampitak liam uhhi.

·      North Korea Leikhamangpi ahi Kim Jong Un peen Septeber 3  ni in ateeltuam lasasiam nungaak meelhoih mahmahte lasakna pawipi ah khe vai luangluang in akimuhkhit zawh tunitandong mangdildeel a hihman in leitung in lamdang kisa mahmah kamsawn aleengtuamtuam tam ngeeingaai in tunitandong atun abanna ahang kithei khiazonaailo hi. Hih thutawh kisai in South Korea thuthang khat ah Kim Jong Un peen amai a suak bangbang bawng bang in zialpahpah ahihman in guhnatna,sikhang,zunkhum akim in keem a, tuate hang a thozonawnlo maw ahihkei leh ki ukna vaai a kepcip thuakmaw khatzawzaw hiding ci in October 9, 2014 ni in pulaakkhia hi. Tulaai tak in Kim Jong Un I naunu ahi Kim Yo Jong in North Korea gam ukphot hileh kilawm ci in thu telkan ten genkhia uhhi.

·      US tezong Iraq leh Syria gam a IS migilo te tawh abuai mahmah ding isakleh Vanlaaizang pan leitung teltak in na en uh ahihman in October 9, 2014 ni in Pakistan gam North Wazinstan ah migilo lubok 4 te tuanna mawtaw Muu ak bawh bang in ahawlkisamlo Drone ten nakaap ek uh a alubawk 3 sipah in khat naakliam mahmah hi.

·      Thailand I thuneihna kheempeih aak tuilaai buluah bang a abuluah ahi Thailand gaalkaap mangpi lui leh Prime Minister kipiatawm Prayuth Chan-ocha  ninih sung taamding in October 9, 2014 ni in Nypidaw tungta a President U Thein Sein in gaalkaap honpitawh nadawn in lampai khawm lanlan uhhi. 2015 ciang kawlgam ongbuai ngeingei leh kawlgam thuneihna koicibang a buluahding cih thudong nuam in kawl gaalkaap mangpi teng liit dawk banglatlat uhhi.

·      Turkey gamte in amautawh gamgi ahi Kobane khuapi a om IS migilote leilamtawh kokia in dongamkei ung ci in apaulaakkhiatna pan un NATO makaaithak Ankara leh Turkey Foreign Minister MEvlut Cavusoglu akimuhkhit ciang October 9, 2014 ni in leilamtawh Kobane khuakiim a om IS te zial ek ban ah tuakiim limlim ah Syria te gaalvanleeng aleenleh khutkhia lianding ci in taangko khia uhhi. Gampawlkhat in IS te Turkey ten huhding in lam en uha, Turkey te leuleu in IS Pupi taktak peen Syria kumpi te ahihi ci in gen uhhi. US le apawlten zong vanlam pan nasiatak in nazial uh ahihman seh thumsuah sehnih IS te khutsung atungsa Kobani khuapi peen tu in Kurd gaakaap te khutsung ah tungkik ta hi.

·      Leitung pianzawh amasa peen Latin American gamkee Uruguay gamte in Syria gampan gaaltaai te sapna kipanta uha, October 9, 2014 ni in Uruguay gam atung innkuan 5 mimal 42 te President Jose Mujica in mimal mahmah in bansah in muakna vanei hi.  Uruguay gamte in hih Refugee aliansa te nasepding geelsakpah uha, kumcingnailo te sangkah nading zong geelsak pah uhhi. HIh refugee laakna peen kumnih sung hiding a $3million kiim Uruguay kumpi te in zeekkhia ding uhhi.

Lungdam lua ei laai nongsim sak uh
Khialhna aom leh ngaihdambawm ah maw

Thang Khawm Pauzomi

No comments:

Post a Comment