· Kawlgam sung kalsuan zia aman theina ding in kawlgam
sung aom Party 53 in Yangon khuapi sung Green Hill Hotel sung ah thukikup
khopna September 13, 2014 ni in neikhawm uha, September 14 niciang zomsuak ding
uhhi. Hih meeting ah NLD leh UNA ten kahtaak salo in kuamah pailo uhhi.
· Philippine gam te I tuikulh khat ahi Panaon tuikluh
kiang ah Philippine te Tembawpi mi 84 apuakhat September 13 ni in kibung ah
mihing 55 kihonkhia zo a mihing 29 mangthang in kimuzonaailo hi ci in
Philippine gam tui pang kumpi thuneite in taangkokhia uhhi.
· US Secretary of state Mr John Kerry Turkey gam azinna
ah IS te donading tawh kisai lawhcing kisalo ahihman in September 13 ni in
Egypt gamte tawh kihoding in tung leuleu a, Egypt tebel US te cihbangbang
suding ci uhhi. Ahizong in akituul mawh mahmah ahi Iran gate tawh ahihleh
nasemkhawm nuamlo ci in Mr Kerry in siangtak in genkhia hi. IS phualpi US ten
154 vei beltungpi khiatkhinta uhhi.
· President Obama in kaaltawp thungenna September 13 ni
in nei a, IS te peen US bek hilo in US leh alawm agualteng in nasiatak in
akidohuan hita hi cin gen hi. Iraq gam a kapai sak gaalkaapte in Irasq gaalkaap
leh Kurdish gaalkaapte siamsin sakding leilam pan amau ongzial in US adang apawlten
Vanpan meikuangkhiatsuk ding ci in genkhia hi.
· Leitung gaalpi
masa lai a gaalkaap 100,000 vaal
akiphumna Italy gam ah Han Lianpeen a
kiciamtehna mun ah Pope Francis in Mass bawlna nei a, tulaaitak a leitung
kiheizia in leitung Gaalpi thumna apian nading a akipatna ahihban ah thau
hoihlo kizuakna, hiamtatna, kidona cihte khiapding genpi in nei hi. A thupi mahmah agenkammal khat in “ War
is Madness” gaal kidona peen haina hi cih genkhia hi.
Lungdam
Thang Khawm Pauzomi
No comments:
Post a Comment