·
Bangladesh gam I
khuapi Dhaka khuakiang Padma gunpi sung ah khualzin mi 200 apua Tembawpi khat August 4 ni in kibung a mi
ahitang in 100 kihonkhia zobek in misi nih tuitung ah onglamto pan ahihman adangteng
huhzawh nading Bangladesh kumpi thuneite in ahanciam laaitak ahihi.
·
President Obama
hanciamna tawh Africa gam a mivom gamkheenleuh leh US te khawmpi Washington DC
khuapi ah August 4 ni in kipanta a Liberia, Guinea leh Sierra Leone gamthum te peen Ebola lungno
ahaang in agamvuah mitam si lua mahmah a ongkihelzolo uhhi. Hih Mivom khawmpi
peen August 6 niciang mansiangding uha, $900 million khawng zeekkhiat nading
kikumding ci in US thuneiten genkhia uhhi.
·
Mexico gam
Jalisco state Ayutla khuapi I Mayor pa
Maneul Gomez Torres August 3 ni zan in
apawl kitheilo thautawi pawlkhat leh ana sempa khat kipawl in ainn phualzaang
ah kaplum uhhi. Lamka a Zomi kithat khat tawh kisun sapong a kongsuahsak hi ee
·
Ebola kici natna
lungno khat hang in Africa gam nitumnalam gamteng ah misi 887 cingta ban ah US
gamsung ah hihnatna nei mi 2 tungkhinzo a, Asia gamtuamtuam adiak in kawlgam
bangzong tungkhin ding in kilam en ahihman in kumpi thuneiten ahithei zah a
kidaal a azon laaitak uh zong ahihi ci in Leitung bup cidamna keem WHO te in
genkhia uhhi.
·
Israel Hamas
idona nai 7 sung tawlnga ding in kipan ta uhhi. Ahizong in Gaza khuapi sung pan
Israel minamte alausakthei na kheempeuh Asian kikkel mateng galdona kizomding a
Hamas kuatawh kisai in zon gakihialbawlbawl hita ci in Israel Prime Ministe
Netanyahu August 4 ni in genkhia hi. Tuni ciang Israel misi 67 phata a,
Palestine lam ahihleh 1,868 sikhin in 9,470
in liamna ngah uhhi.
·
China gam July
3,2014 ni a zinlinna hang in misi 400 cingtota a , aliam abaai 1,800 pha in
upmawhna ah mitampi tak mangthang laai
ahihman in gaalkaap te in asun azan in azon ziahziahsan lai tak uh ahihi.
·
Kawlgam Rakhaing
state Suangkaang leh Man Aung khuakikaal ah mi 25 apua ngabeng tembaw khat
August 3 ni in kibung a tuni August 4 nicong ciang mi 19 atunabanna
kitheinaailo mangthang laai uhhi. Atung a tuang mi atamzaw peen Sapadeh te ci
in gen uhhi.
Thang
Khawm Pauzomi
Lungdam
No comments:
Post a Comment