Tuesday, August 12, 2014

Tulaai leitung Thuthang Tuamtuam Updates August 12,2014



·      USA gamte in Iraq gam Kurdish kuamteng ah misok te zialding in gaalmaaitaai gaalkaap 130 puakbehding hi ci in Defense Secretary Mr Chuck Hagel in August 12, 2014 ni in genkhia hi. Tuaban ah August 12, 2014 ni mah in Sinjar mualtung leh Gwer a kibusa misok te phualpi teng US Gaalvanleeng hawlneilo pawl in beltung nasiatak in khiat kawkawi uhhi.

·      US gam Missouri state Ferguson khua ah Talvomno khat police ten akhawlsak leh athau nala ahihman police ten August 9 ni in akaplup na hang in Missouri state bup phial ah mipi lungkimlo in August 11 Monday zanpan St. Louis khuapi leh khualian zawdeuh te ah lungphona nasiatak nei uha, police ten teargas tawh kaap ziahziah in August 12, 2014 zan in nasia semsem hi. President Obama zong alunghimawhta ahihman in August 12, 2014 ni in mipite daaiphot ding thumna bawl hi. Zomi te I omkhaak aleh kidawm ni ei . mi 50 bang kiman khinta hi.

·      Ecuador gam I khuapi Quito leh akiim naai teng ah 5.1 Magnitude   haat zinlinna in August 12, 2014 nawkgawp a, mi 2 si in 8 liam kimu hi. Lampi teng kisia in guahzu tawh kithuah ahihman in Quito khuapi pan vanleeng aleengkhia ding leh atuding teng kidin khawlsak phot hi.

·      Libya gam khuapi ahi Tripoli khua sung a Palik lianpeen ahi Col Muhammad Suwaysi August 12, 2014 ni Tajoura khua ah meeting kahding apailaak amin kitheilo thautawi pawlkhat in nakaplum in anungzui nihte zong matsak uhhi.

·      US Secretary of State John Kerry leh apawlte kawlgam azin sung US ten khalna apiak ahi U Zaw Zaw neihsa Lake Garden Hotel ah ataamna hang in Kawlgam mipi in US mawhsak mahmah himahleh, US kumpi thuneite in US te khalna lak ah Hotel kihello hi ci in August 12, 2014 ni in pulaakkhia uhhi.Lungkimsak hizello dia nuno tetawh hehehe …

·      Russia ten Kuriles ci in Japan ten Northern Territories  ci a gamnih akituh namun ah Russia te in Gaalkaap 1,000, Helicopter   Mi-8AMTSh 3, gaalkaap vanzaw nam 100 tawh gaaldo sinna kipanding ci in Russia ten August 12, 2014 ni in taangkokhia uhhi. Japan te ahihleh kogamsung ahihiam ka enkhinkhian uh ci in thukkik uhhi. Russia President Vladimir Putin velvaal peen akimteng sawksawk in galpi 3 na phuannuam tawh kibang ahihman NATO ten asawtlo in acilget khading ci hi.

·      Iraq gam ah Christian biakna azui te Yazidis migilo te in alom alom that in a 10,000 lom asim lau a taaikeekding in abawlna uh akigenzolo lipkhap huai gamtatna ahihna leh nawhsatak a khawlnading un RC biakna zuite phualpi Vatican ten Muslim Biakna makaai tetung ah ngetna August 12, 2014 ni in bawl uhhi.



Lungdam

Thang Khawm Pauzomi

No comments:

Post a Comment