·
Shan gam saklam
teng ah Shan gaalkaap te leh Kawlgam gaalkaap te July 1 nipan kipan tunitandong
kikap thapaai ahihman in kikaapna atawmzawkdeuh nading deihna tawh Kawl kumpi
te hopihding in Shan gam thautawi kipawlna makaaite in July 8, 2014 ni in
Nypidaw tungta uhhi. KNU tawhzong nungkaalsung in kawlte kikap uha, tu in
Kachin tawh zong ki ngim pianpian ta uhhi.
·
Israel Gaalkaap
te in Gaza gunpaang pan Rocket (Thaupi) tang 131 July 8 ni zan in Israel gam
sung ongtu ahihman in Gaza gunpaang suzan in migilo kheempeuh abaan meeklupding
in akigingsa in ka om uhhi ci in July 8, 2014 ni in genkhia uhhi. Rocket
atamzaw in Tel Aviv khuapi ngim a ahizong in Israel Iron Dome kici siktumpi in
nabengkhia ziauziau hi. Palestinian kumpi ten ahihleh Israel Gaalvanleeng te
Beeltung khiatna hang in Gaza gunpaang ah mi 12 sita hi ci uhhi. Hih misi
atamzaw Hamas kici Palestinian gam
migillo thautawipawl hi a Hamas ten Israel ten ongthah bang in un leiba
onglohkik khading uhhi ci in July 7 ni in genkhia uhhi. Israel tangvaalno thum
Hamas ten gu in that uha, Palestinian tangvalnokhat Jerusalem khuapi sung ah
Israel ten haallum ahihman in Gaza gunpaang teng kahna leh hagawina tawh akidim
laaitak ahihi. Israel gaalkaap ten Hamas migilo te phualpi mun 100 susia khinzo
ta uhhi.
·
Fifa te I CEO ahi British gammi Mr Ray Whelan azintunna Brazil gam Rio khuapi
Copacabana Palace Hotel pan July 7 ni in 2014 World Cup ticket zuaksimna
hangtawh Brazil palikte in mankhia uha, July 8, 2014 ni in sumtawh kitansak in
khahkhia kik uhhi. Fifa te leh Mr Ray I thupil Lawyer pan ahihleh hih kimatna thumanlo
hi ci in nial uhhi.
·
Somali gam
President ahi Mohammed Moalimo I teenna innphual zaang Islamist migilo te in
Ramadan Antan thunget phawkna in July 8, 2014 den mahmah in avui atang tawh
nasiatak in sim uha, President pa na omlo bilbel hi. Bangzah si a bangzahliam
cih kuamah kiluut theinaailo ahihman in kitelcian naailo hi. Nung kaal sung in
zong parliament Innpi hih migilo te mah
in sim uha, asi aliam tampi om uhhi.
·
Japan gam
khanglam Okinawa tuikulh kiim teng July 8, 2014 ni in Typhoon kici huih leh
guahpi kithuah in kumpi te genkholh sa bang mah in nawkpetpet ta a , atawmpeen
mi 4 aliam kimuphot in Inn le lo tampi kisai ahihman in mipi 590,000 te Innsung
ah bu ahihkei leh amuanhuaina lam nawhzon mahmah ding in kumpi thuneite in
thupia uhhi.
·
Afghanistan gam
President kiteelna ah Nungkha sung in Mee atampeen ngah ci a kitaangkosa Mr
Abdullah Abdullah atamnihna ah Election
Committee te in koih ahihman in alungkimlohna thu agenkawm in mipite tung ah
Gualzawhna peen ei a hi ci in July 8, 2014 ni in genkhia hi. Akidempih ahi
Ashraf Ghani in golhguukna haangtawh azo ahihman Mee tang simkik ding zong ngen
hi. July 8, 2014 ni mah in hihthu lungkimlohna hang in Kabul khualaaizang ah
Bomb puakkham a mi 16 si uhhi.
·
Ukraine Defense
Minister Valeriy Heletey in July 8, 2014
ni in thusuah khat bawlkhia a tua thusuah sung ah Ukraine gam nisuahnalam a
Russia tawh kipawlding a ut thautawi te in athaute uh lei ah khia in alukum
masiah uh Ukraine kumpi tawh kilemnading kamkupna cih omnawnlo ding a zialpi
mah in kizialtum ding hi ci in genkhia hi.
Lungdam
Thang
Khawm Pauzomi
No comments:
Post a Comment