Tulaai Leitung Thuthang Tuamtuam Updates July 17, 2014

Tulaai Leitung Thuthang Tuamtuam Updates July 17, 2014

·      Piantit gam  Denguin khuapi kiang ah Ahaattaai mahmah meileeng leh adang khat July 17 ni in kiphukha in mi 25 liam in 7 naakliam mahmah in enmawk on omlaaitak uhhi.

·      Israel leh Palestinian-Hamas te in mipi kigaalgin kholhnading in nai 5 sung kikap tawlngakna aneihkhit uhciang July 17 ni  zanpan Palestinian gam leilam,vanlam leh lampi omthei kheempeuh tawh dolzialto a buluah mangding in President Benjamin Natanyahu thupia Leilam te zialna hang in Palestine mi 11 July 17 ni bekbek in sihi ci in Palestine thunei te in genkhia uhhi.

·      Netherland gam Amsterdam khuapi pan Malaysia gam KLIA abawhding a a leeng Malaysia Airline te neihsa MH17 ( Boeing 777-200ER )  khual zin  mi 280 pua in Vanleeng naseem mi 15 anei Vanleengpi Ukraine nisuahna lam Russia tawh gamgi Doanetsk khua tungpan Russia gam bawl Missile  ( Thaupi ) tawh July 17 ni in kikap khia in atung atuang kheempeuh asihban ah vanleeng zong kaangtum hi. HIh vanleeng tung ah tuangmite ahihleh Malaysia mi 38, Dutch minam 154,Indonesia mi 11 , Australia minam 27,Briton minam 6,German 4,Belgian 4, Philippine 3 leh Canada gammi 1 ahihi. Ahang taktak leh akap taktak kua cih akikan san laaitak ahihi.

·      Tunisia gam leh Algeria gamgi dungsuk ah July 17 ni  thapaai singnuai thautawi migilo te leh Tunisia gaalkaap te nasiatak in kido uha, Tunisia gaalkaap 14 si in 20 naakpi tak in liam uhhi.

·      Philippine gam laaizang toteng Typhoon huihpi in july 16 ni  pan nasiatak anawkna hang in misi July 17 niciang 38 cingta a, mip 17 millions in meitha neilo in khimzing sung ah omkha uhhi. Hih Typhoon huihpi peen China gamlam manawh in nung a China gamteng nawkkhading in Khuahun siamten gen uhhi.

·      India gam Bangalore khuapi sung a om sangkhat ah July 2 ni in napang numeino kum 6 khat sangcingte nih in buan in nadeh uha, ninih khitciang naupang nu agilna ahihman zato akilahciang akibuan ahihna kilang khia hi. Hihtawh kisai in Palik te in kuamah tuniciang mat neinaailo ahihman in Nu le Pa te lungkimlo a numeino nu kibuana Bangalore sang innpi maai ah July 17 ni  in lungphona nasiatak in neikhawm uhhi.

Lungdam

Thang Khawm Pauzomi