Saturday, July 12, 2014

Tulaai Leitung Thuthang Tuamtuam Updates July 12, 2014




·      Thailand leh Kawlgam kikaal a om Gaaltaai Sang khat leh Then thum te akhua atuiciat uh puakkik tading a Thailand leh kawlgam kipawl in seemkhawmding in Kawlgam Gaalkaap Maangpi pa leh Thailand gam ukna alakhia ahi Thailand gaalkaap Maanpi pan in thukimna neita hi ci in Thai gaalkaap te in July 12, 2014 ni in Radio pan athugen ah uh ah hel uhhi.

·      Japan gam Lwaki khuapi sung 6.8 Magnitude a haat zinling in July 11 ni in nawkgawp a asi aliam kuamah omlo hisam napin Fukushima Nuclear setzungpi sukha maw sukhalo cih thuneite in limtak asit tellaai tak uh ahihi.

·      Israel leh Palestinian te kikaal kilemna amanlaangtak a bawlsak ding in UN Security council te in  thukimna leh sawlna July 12, 2014 nei uhhi. Israel gam Palestine gampan July 11 ni in Rocket tang 40 tu laailaai a Palestinian gammi misi 133 hi ta in aliam 1,0700 cing in inn 500 vut le vaai suakkhinta hi. July 12, 2014 ni in Israel ten Gaza khua laaizang a om Muslim biak innpi  khat kapzan uh ahihman in mipi sona kibeh lap toto hi. Israel gaalkaap Bu Libby Weiss in bel Hamas ten tua biak innpi phualpi in nei uh ahihman akikaap zan hi ci in genkhia hi. Israel mipi ten ahihleh Israel gaalvanleeng ten Gaza khuapi vanpan anuaina uh Cinema et in gaaal et hithiat uhhi.

·      Ukraine gaalkaap tein Russia deih thautawi te dona July 12, 2014 ni in vanlam tawh nasiatak in zomto uha, Tank 2, Mawtaw 10 leh Russia deih thautawi mi 500 nuailum uh ci in genkhia uhhi. Hih peen Russia deih thautawi ten Ukraine gaalkaap te Rocket tawh nado uha  gaalkaap 19 si in 93 liam ahihman leiba kithukna ahihi. EU gamte in zong July 12, 2014 ni  in Russia deih mi 11 te neih leh lam sumbawl na lam ah nasiatak in khaktan na thakkhat bawlkhia uhhi.

·      Kawlgam President U Thein Sein leh Kawlgam Lasa siam, Video kineihsiam minthang mi 150 Yangon khuapi kileemna Innpi ah July 12, 2014 ni in kimukhawm in annkuang umkhopna neikhawm uhhi. Kawlgam ah thunei kuakua ongkhang zong in Hih Video,La cihte lam kuaman ongkinpihlo in ongpanpih ngeilo ahihman hamsatna tampi kanei uh ci in President pa tung kagen uh ci in minuihsakhaat Yagana genkhia hi. President pa zong lungnuamsim pian in pausuah leh Innpua ah July 10 ni a Unity thukan 5 thong kum 10 ta akhiat lungkimlo thukan lomtangkhat in zunko ekko in nako in lungphona nanei uhhi. Thein Sein azum atunkikciang hehlua mahmah asambang pulh liang ahihman in agial ongdawkkik a lungphona anei mi 30 vaalte thukhun number 18 thubawl unla mangai un cigiap hi.

·      Afghanistan gam ah President kituh ahi Dr Abdullah leh Mr Ghani te kenzo cituak in abuainathu uh US Secretary of State Mr John Kerry in lemtuah a anih un utkhoppih in thu agenpih dikdek khitciang Mee tang teng kician tak a simpha kik a golhguuk ommaw omlo cih kiciantak seemkik ding in July 12, 2014 ni in thukinna nei uhhi.



Lungdam

Thang Khawm Pauzomi

No comments:

Post a Comment