Kawlgam sung Innmun logam mantawh kisai khanglua mahmah ahihman in bangcihding cihthu Upper House ah MP ten June 8,2014 ni in dotna bawl uha, akisap leh hihtawh kisai thukhun thak khat bawlkulding hi ci in President Office pan thunei U Soe Maung in dawngkik hi.
Kawlgam kiteelkik ciang PR kici Mee tang kikimtak a huamkimna tawh kisai June 8 ni in Amyotha hlutdaw ah kikupnawina nei uha, NLD leh akipawlpih party tuamtuam te in deihlo in thalnial pah uhhi. Pawlkhat inbel deih tuak mahmah uhhi.
Pakistan gam Jinnah Vanleeng tualpi Taliban migilo ten June 7,2014 ni in nasiatak insim uha, Vanleeng tualcing palik te tawh nai 5 sung langnih kido ngekngek uh ahihman in mi 28 si in pawlkhat khat aliam ban ah vanleeng tual kikhakphot ci in Pakistan kumpi ten taangkokhia uhhi.
World Cup tukpeeng kimawl ding ni thum in asap June 8,2014 ni in World Cup kibawl na ding munkhat ah Sao Paulo khuapi ah mipiten World Cup deihlo in lungphona nei uha, Palik tetawh buai uh ahihman Palik te mittui luangsak gas thau te zangh in mipi nialkhia uhhi.
South China Sea tung ah Veit Nam leh China Tembaw te khat le khat tuikibuak in ki um kawikawi a thumanlo pi in gamta hi ci in Langnih gampan kimawh sak tuakna thu June 8,2014 ni in thupuang tuak uhhi. May 2,2014 ni pan kipan China lam pan gamkeek masa in hih buaina akipan himah leh kisu ngam taktak lo in kito in thapaai uhhi.
Kum tampi akibuai pih denkeei thu khat ahi Iran gamte Nuclear vaaitawh kisai in US kumpi thunei te leh Iran gam kumpi thunei te June 8,2014 n in Geneva khuapi ah maitang kingatsa in langnih kikupkhopna kipan ta uhhi.
Lungdam
Thang Khawm Pauzomi
No comments:
Post a Comment