·
Hun khat laai in Zomi te ahaipeen cih dektak khat
kawlgam kumpi ten onggingsak uha, Zomi langpang pawlkhat bang nui hahhah man
himah leh Pasian in amah abia Teeltuam Zomi te nusia lo in 2013-2014 pilsin kum
tan 10 laivuanna ah Zomi Zolia 3 sitset in All-D ( apildan uh gendanding avaal
omthei nawnlo ) ongngah uh ahihman in ibiak Pasian min iphat hi. 1.Lia Nuam Kim
(Yangon)2.Lia Cing Van Hau (Laaitui)3.Lia En Sian Hon ( Kawlpi ) te a hi uhhi.
Zotaang pawl zong i-aw bek phasak lo in hanciam zek kulding dan hi ei …
· Kachin minam abeimang nading a Kawlgam kumpi ten ado
uh kum 3 cinna phawkna Kachin minam kipawlna 30 kiim makaai in Yangon khuapi mun
thum ah nasiatak in bawl uhhi. June 9 ni leuleu ciang Kachin Tuiphum pawlpi te
makaihna tawh Mitkyina khuapi ah bawlding uhhi.
· America gamte neihsa ah GAP company khutnuaia a
company neu Old Navy leh Banana Republic puansilh company te ading in kawlgam
pan kibawl puante June kha sung in USA gam ah laziahziah tading uha Made in
Burma/Myanmar kici ding ci in June 7, 2014 ni in company zalian te leh kawlgam
ulianten thukimna neita uhhi. USA gam teeng Zomi te puan ileiding ciang naupang
vanzuakna lam bekbek ah paikuul nawnlo in eitawh kituak ongkizuak tading
ahihman kipahhuai kasa mahmah hi.
· Migilo te kibusakna gam ahi Afghanistan gam ah June 7,
2014 ni in guahnasiatak zu in tuikhang gawp ahihman in mi 73 si a mi a 10,000
asim inn le lo nusia in taaiding in kumpi ten thupia uhhi. Inn 2,000 tui in tum
mang a, mimal 200 vaal mangthang phot ci in Afghanistan palik ten genkhia uhhi.
· USA thukan Central Intelligent Agency (CIA) te in
amasa peen face book leh twitter account June 6, ni in hongkipan ta ci in
official in taangkokhia uha, ahonzawh nai 5 sung bekbek in lawm 200,000 neiman
cizen uhhi.
· Democratic
Republic of Cargo gam Kivu huam khuano teng ah June 7, 2014 ni in Biakna khat
leh khat minam khat le khat kikaal nasia tak in kidona piang ah atawmpeen mi 30
si uhhi. Mittawh amute genna ah atamzaw asite numei naupang hi uha, Biak Inn
sung nangawn ah kiluh in kigo uhhi ci in mulkim huaitak in gen uhhi.
· Pakistan MQM party makaai Mr Altaf Husain kum 60, in 4
sung thong ah akikhum khitciang June 6,2014 zanlam in Bail -sumtawh kitanphot in ongsuakta hi. Amah peen
June 3 ni a sumnin sumsiang suaksak kik cih mawhna tawh akiman ahihi.
· 2010 November khasung a Malaysia te neihsa Tembawpi
Somalia migilo te mat sungpan tembaw naseem mi 11 te June 7, 2014 ni in
ongsuakta uhhi. Mi kiman vekpi lakpan 6 kithat a, 17 suakta in 40 kiim Somali
migilo te khutsung ah omlaai uhhi.
No comments:
Post a Comment