·
11983 kum Kawlgam Yangon khuapi a kisuamlum South Korea
misite phawkna ding in Yangon khuapi ah June 6, 2014 ni in pi 5 asaang pi 20
azai Mualsuangkhat South Korea ten phutkhia uhhi. Hih hun amisi mi 17 te
minting zong gelhkhia uha, South Korea Foreign minister Yun Byung-Se in honna
vanei hi.
· Shan gam Kuatkhai leh Muse kikaal ah Ta-aih minam
thautawi TNLA te leh Kawlgam gaalkaap te June 4 nasia tak kikap uha, Kawlgaal
kaap lakpan amakaaipi Tatzinmu khat leh a Bu 2 thahlup sak uhhi. ci in June 6,
2014 ni in taagkokhia uhhi.Tun langnih akigemgem laai hi in kikaap sawm mahmah
laai cih genbeh uhhi.
· Kum 20 sung ah akhatveina G-8 te thukikupna ah tutung
petpet ciang Russia nawlkhin in G-7 teng June 5 ni in Belgium gam Brussels
khuapi ah amanphet uh asawtlo in French gam Paris khuapi ah ut leh utloh thu
kisailo in Russia President Vladimir Putin, Piantit President Francois Hollande
leh Britain Prime Minister David Cameron te kituak uh ahihman in kimukha uhhi.
· USA gam Seattle Pacific University, ah miki kapna khat
June 5, 2014 in piang leuleu a mikhat si
in 3 liam a mikap pa pasal kum 26 apha pan Aaron Ybarra palik ten manphot in
thongsung ah koih uhhi.
· Afghanistan gam President kiteelna ah amaaitai ahaatpeen
ahi Mr Abdullah Abdullah migilo te in suam in atuanna mawtaw bomb tawh June 6,
2014 ni in sukkhap sawm himah leh amah thatzolo uha, a body guard khat leh mi 7
si in 22 liam uhhi.
· Leitung ah Gaalkaap vaai ah sumtam azangpeen nihna
China gamte in 2014 gaalvaai sumzekding ageelzah sang un 20% tawmzaw in
pulaakkhia uhhi ci in US Defense Dept te in June 6, 2014 ni in genkhia uhhi.
China te pulaak na ah 2014 aiding $120 billion cipong uha, ataktak in $145bn
zang uhhi ci hi. USA te leitung ah atamzang peen hi uha 2013 kum in $600bn
zangh uhhi.
No comments:
Post a Comment