· Zomi Khawmpi USA ah Zimangpi ding a kisam ahi Pu Gin
Kam Lian tenupa (ZCD General Secretary) Kawlgam Yangon khuapi pan ongleengkhia
khinzo uha, June 27 niciang Tulsa khuapi ongtung tading uhhi. Pu Gin Kam Lian
peen Asangman khit a kipan Zomi’s politics lam ah tuni tan na aseem ahihban ah
Azi Pi Cing zong Apasal minam nasepna te ah tha piatawntung in panpih ban ah
Radio sung nangawn ah la asa Lasiam khat zong ahihi.
· Rakhaing gam sung mun awng ahi Rakhaing state Chief
Minister ding ah Rakhiang state parliament ah mimal atampeen party ahi ANP
party ten ko sungpan khat in ngahding kilawm mahmah leh thudik ahihi ci in June
24, 2014 ni in thusuahna bawlkhia uhhi. Kawlten bel amau party panmah hileh
deihzaw tham pek uhhi.
· Ukraine gam sung nisuahna lam a Russia adeih mipi
thautawi te leh Ukraine gaalkaap te kikaal langnih kileemnading ahanciam
laaitak un langnih kikapna khawltuanlo a June 24, 2014 ni in Ukraine
gaalvanleeng khat Russia deih mipi thautawi ten Rocket tawh kapkhiat sak in
atung atuang mi 9 teng zong si uhhi. Russia President Mr Putin in lah Russia
Parliament ah Ukraine gamsung a om Russia kamapute huutding hanthawn niloh hi.
· Iraq gamsung buaina vaaitawh kisai vaaihawmkhia ding
in US Secretary of State Mr John Kerry June 23 ni in genkhol hetlosa in Iraq
gam Bagdad Khuapi vatuhiau a, Iraq kumpi lam Sunni Muslim thautawi makaaite leh
ISIS makaaite tawh bang June 24, 2014 ni in kimuhkhopna nei uhhi. Iraq kumpi
thak te in kumpi nasepna sung ah Sunni Muslim te helnuamlo ahihman buaina piang
hi ci in Tapong makaaiten gen uhhi.
· July 6,2012 San Francisco khuapi a mithum si in mi 6 a
liamsak Korea te neihsa Asiana Airline
Flight 214 kibutna hang in US kumpi
thunei te in Asiana Airline Company te $500,000 June 24, 2014 ni in liausak
uhhi. Hih bang liausakna peen 1997 US thukhun hi ci in US kumpi thuneite in
genkhia uhhi. Tuaban ah hih Asiana Flight 214 ahawlpa in setvan telkimlo pi in
hawl hi ci in genkhia uhhi.
· Nigeria gam
Borno state sung khuata pawlkhat ah June 24, 2014 ni in Boko Haram migilo pawl
in in Inn banluh in haalgawp uha, Numei 60 leh naupang pawlkhat man leuleu
uhhi. Tuaman khanih laai inzong numeino 200 vaal mancip uha, US leh leitung
nisiam tuamtuam te in tunitan azon uh huhzolo muzolo cimawh uhhi. Leitung asia
hita ei
· Nitampi sung Parliament ah akikup nawikhit uhciang
Iraq gam abuaisak Sunni Muslim leh ISIS te nawtkhia ding leh Iraq kumpi te
huhding a Obama geelsa Gaalhuhding te tu in mansiangta a kipan ziahziah tading
hi ci in Pentagon te in June 24, 2014 ni in taangkhia uhhi. Ahizong koicibang
in kipanding cih gennaailo uhhi.
· Cameron gam khunglam ah Boko Haram migilo pawl hiding
a upmawh migilo mi 40 June 24, 2014 ni in Cameron gaalkaap te in kamankhia uhhi
ci in taangkokhia uhhi.Amunmun ah tamkawikawi hileh kilawm uhi. 2013 kum in US
kumpi in Terrorist in seha, 2014 kum in Australia kumpi in Terrorist taktak mah
ahi uhhi ci in ciaptehna neibeh uhhi.
Lungdam
Thang Khawm Pauzomi
No comments:
Post a Comment