· Israel sangnau pang pil mahmahkhat kum 15 kiim khat
June 22,2014 ni in Syria tawh agamgi uh ahi Golan mualkuamteng ah kithat
ahihman in Israel ten Syria te ngawhpah in June 23, 2014 ni in Vanlam leilam
tawh nasiatak Syria kapphei ek uhhi. Israel galkap mangte genna ah Syria
gaalkaap phualpi tata leh Gaalkaap te zum alianpeen munte ngim in vanlam pan
kinuai hi ci in genkhia uhhi.
· World Cup tukpeeng kisuihna ahi Brazil gam I khuapi
Rio ah June 23, 2014 ni in migilo pawlkhat in khuapi sung vanzuakna bankap uha
palik te tawh kikap huan uh ahihman in migilo nih leh palik khat si hi. HIh
khuapi peen WC kisuihna munkhat zong ahihman in WC wn khualzinmi atuulsawmlom
asim zin atunna munkhat zong ahihi.
· Nigeria gam Kano khuapi sung ah om ahi Cidamna lamtawh
kisai College khat June 23, 2014 ni in migilo pawl in sim uh ahihman in
atawmpeen mi 8 asi kimu in mi 20 pan tunglam nasiatak in liam uhhi ci in
Nigeria palik te in genkhia uhhi. Hih migilo te peen Boko Haram migilo te
hiding in mipi leh kumpi thu neite in lam etna nei ciat uhhi.
· Allah akicih takciang in Muslim te I aituam Pasian hi
ci in Malaysia Muslim te sandan ahihi. Abeisa kum pan in Malaysia gamsung a
Christian ten Malay pautawh Pasian cih onglet uhciang Allah mah ongsuak a Malay
Muslim te lungkim lo in thukhen zum ah atutna uh leitung gamtuamtuam a
Christian te thunget nahang tawh Malaysia thukhenzum te in thukibawl theilo hi
ci in June 23, 2014 ni in nial hiau uhhi.
· June 21 ni
South Korea gaalkaap mi 5 kaplum in pawlkhat aliamsak S Korea gaalkaap
pan June 23, 2014 ni in amah le amah kithah sawm in aawm pan nakikap a silo
ahihman in S Korea gaalkaap ten man in Zato puakpah uhhi ci in Defense Dept ten
taangkokhia uhhi.
· US Secretary of State Mr John Kerry President ding a
khut alapzawh kaalnih aphapan Mr SiSi tawh Cairo khuapi ah June 22 ni in
kimukhawm uha, US Egypt gam ahuhna tawh akalh uh hongkikta uhhi. Gaalkaap lam
leh gamsung khantohnading a kumsim huhna ngahkik ta uh cihna ahihi.
Lungdam
Thang Khawm Pauzomi
No comments:
Post a Comment