· Pasian lamlahna tawh Pasian mizat Sia Rev Michael Lian
( ZPC Senior Pastor Nashville ) leh apawlte ong makaih in Zomi Myanmar Baptist
Church. Bowling Green Kentucky USA ah Kha thupha konghon na leh Gualzawhna
Dialkhai khaina June 22,2014 zingsang nai 9-12 dong nasia tak in kinei ding
ahihman in akuamapeuh thupha nadeih leh ongkikhawm unla, ongkikhawm zolo ten
thungetna tawh ongphawk un.
· Norway gam Oslo khuapi sung aom Oslo University sung
ah khathum sung Politics thusin ding in Zomi Congress for Democracy Secretary 2
Pu Zam Mung leh party alliances pawlkhat thusin in aom laaitak uh hi a Zomi
maban tampi zong ongnawkgawp ding kilam en mahmah ci in ZCD ten taangkokhia
uhhi.
· World Zomi Congress ( WZC ) makaihna tawh Political
Talk show Atlanta khuapi Georgia state
USA ah June 21, 2014 ni in nasiatak kinei a , Thugenna Pu Neng Hau Kim ( ZNC Founder ) leh Pu Gin
Pian Khup@Zo Khup te in nasia tak nei in mipi in tha kingah mahmah cih thu kiza
hi.
· China gam leh India gamte kilemtak a zinghawn
khoptheih nading in 1954 kum a Beijing khuapi a gamnih makaaite suaikaih kum 60
cinna pawipi China gam Beijing khuapi ah June 27-30 kikaal bawlding uha,
Kawlgam President U Thein Sein vakah ding ci in Kawlgam President zumpi te in
June 21, 2014 ni in taangkokhia uhhi.
· Leitungbup Gaaltaai te Ni June 20 ni in Thailand leh
kawlgam gamgi aom Kawlgam mi gaaltaai te adiak in Kaya minam te tamna
Maehongsong phualpi ah Hollywood kineihsiam leh UNHCR ulian khat ahi Angelina
Jolie vangaih hawh hi. Leitungbup ah Gaaltaai Awn 50 vaalta in Thai-Myanmar
gamgi phualpi 7 ah Sang 1 leh Then 2 om ahihman Kawlgam kumpi te mibawlsiat
thakhatthu in akhawlnaang in Angelina in ngetna bawl hi.
· US Secretary of State huh Mr Tom Malinowski
ongtungding June 22-28 kawlgam ongzinding a, Mon state Mawlamiai,Karen state
Pha-an ,Yangon khuapi leh Nypidaw te ah hawhkawikawi in sumzon sumzuak nalam
sang bulphuh ding ci in State department te in June 21, 2014 ni in taangkokhia
uhhi.
· South Korea leh North Korea gamgi Goseong khua kiang a
gamgi cing south Korea gaalkaap khat in June 21, 2014 ni in alawmte gaalkaap 5
kaplum a, 5 liamsak in North Korea gamlam ah taaimang hi. North
Korea te khutma hiding in lam en uha, theician naailo uhhi. Gamgi ahihmah bang
in gaalkaap atulsawmlom tuak asim athuangthuang in gamgiding ah kikhung diudeuh
pah uhhi. South Korea gaalkaap ten bel mithat pa nasia tak in zongkawikawi
uhhi.
· China gam Xinjiang Province sung aom Palik zumpi khat
migilo te in mawtaw June 21, 2014 ni in puahkhapsak ding in dawm uha, Palik ten
namuman uh ahihman in bankaap pah uha, migilo 13 that lumzo ci in Xhianghua
thukizakna in gen hi.
· Brazil gam Rio khuapi Maracana stadium sung ah Russia
leh Belgium te June 22,2014 niciang kisui ding uh ahihman in adangtawh kibanglo
inn micing palik 600 pan 3,100 ah khanto uhhi. Ahang peen Nung June 18 ni Chile
tukpeengsui ente gilo lua in palik te nasu uh ahihman mi 87 kiman khin ban ah
Russia te zing ging mahmah dan uhhi.
· Brazil gam ah 2003 kumpan thuneihna ong ngahto ahi
Workers Party te in tuma kum 4 laaipan President a teelcing ahi Ms Dilma Rousseff
a term nihnading President demkikthei ding in June 21, 2014 ni in phalna piata
uhhi. President lui khat mah ahi Lula in bel Ms Dilma in ongtungding October
khaciang nasiatak demna thuakding hita ci in awngbaba hi.
· March ni 8 ni a amangcip Malaysia vanleeng MH370 zonna tawh kisai khawlkhat kiman in
kimuzonailo a akhawlnihna ding Australia gam Perth khuapi pan tai 1,100
akhanglam zonbeh kipanta ci in vanleeng zon makaih pawl ahi Australian Safety
Transport Bureau ( ASTB ) te in June 21,
2014 ni in taangkokhia uhhi.
· Pope Francis in Calabria khuapi
sung mipi tul 10 lom vaal mai ah June 21, 2014 ni in Ndrangheta pansan a gitlohna guihtheih khamthei leh mithahna
cihbang na asem Mafia migilo te mawksak leh Christian biakna tawh akituahloh
zia nasiatak in genna nei hi.
· Egypt thukhen zum sangpeen te in 2003 kum palik zum
ado Muslim Brotherhood party mi 183 te thahding in June 21, 2014 ni in thukhen
uhhi. Nung April kha sung in mi 683 te zong thahding in thukhen khin zo uhhi.
Hihbang a gamptat luatna UN leh leitung gampawlkhat te in Egypt thukhenta
mawhsak ciat uhhi.
Lungdam
Thang Khawm Pauzomi
No comments:
Post a Comment