· Iraq gam saklam khuapi tamsimsim la in Iraq gam
phelnih asuahsawm Sunni Muslim migilo te kipawlna ISIS le Jihadist migilo te in
Bagdad khuapi saklam a om Sathau huanna phualpi June 18, 2014 ni in lasukta uh
ahihman in Iraq kumpi te in US Military Commander Gen Martin Dempsey kiang ah
Vanlawm tawh ongnawk sakpak un ci in huhna June 18, 2014 ni mah in bawl
uhhi.
· West Bank gamsung ah Israel tangvalno thum migilo ten
amatcipna hang in Israel galkaap ten Palestinian leh West Bank sungteng kuamah
olmawhselo in banzon ciatciat in a upmawh uh mite zong matciat ciat uh ahihman
June 18, 2014 niciang Palestinian mi amat uh 115 bang cingta a nidang a akhahsa
uh thongkialui 51 zong kihel kik hi. Hibang a Israel mite akiman ziauziau peen
tu a thumtawh 240 cingta ci uhhi.
· Libya gam Benghazi khuapi sung a om US palaaizumpi
migilo te in 2013 kum adona ah makaaipipa US ten June 17 ni in Libya gam kumpi
te dongsese lo in Libya gamsung ah
amatziau nahang in Libya kumpi te in US mawhsakna lianpi nei uhhi. President
Obama in Benghazi khuapi a ka Palaai zum uh akidoding in zong kuaman ongthei
kholsaklo ahihman in kozong kuamah atheisak selo hi ung cihsan ziau hi. Hih
amat uh Ahmed Abu Khattala ahih leh USS New York tunta uha, Thukhen zum ah
nasiatak bawl ding uhhi.
· Iraq gam Mosul khuapi Sunni Muslim migilo te in asimna
pan India gammi 46 hih migilo te in mancip in khumcip uhhi ci in India kumpi te
in June 18, 2014 ni in taangkokhia uhhi. Hih mi 46 te lak pan atamzaw peen zato
a seem Nurse tea hi uh ci in gen uhhi.
· Afghanistan gam
President kiteelna ah Mee tang tam ngah peen leh President thak ding a
kilam mahmah ahi Dr Abdullah Abdullah in Mee tangsim khawl ding in Election
committee te tung ngetna June 18, 2014 ni in bawl hi. Ahangpeen Mee tang simna
ah golhguuk nasepna mu ci in genkhia hi. July kha sung Mee tang kaihkhopna
hialbawl in agualzo te taangkokhia ding ahi uhhi.
· Spain Kumpipa ( King ) Juan Carlos kum 76
in Madrid khuapi sung a om Kumpi innsung ah Kumpi zapan akhawlna mipi
160 maai ah June 18, 2014 ni in Suaikai a , atapa ahi Felipe kum 46 Kumpi za
apna zong neipah hi. June 19 ni zingsang pan kipan in Felipe peen Spain te King
suaktaktak ta ding ahihi.
· June 17,2014 ni
in Kawlgam Pi Khuapi sung ah Karen minam thautawi tea hi KNU/KNLA/DKBA number
bek tuang in kawlgam license aneilo mawtaw nih Kawlgam palik ten mankhia uha,
Pi Palik zumpi pan thubawl uhhi.
· Kaya gam Luaikaw khuapi sung ah a 139 veina Kaya national
Day ( Kaza Zomi Namni ) June 21 ,2014
niciang nasia tak bawlthei ding in kawl kumpi lampan phalna ngahta ci in Kaya
makaaite in June 18, 2014 ni in genkhia uhhi.
Lungdam
Thang Khawm Pauzomi
No comments:
Post a Comment